چیف جسٹس پاکستان یحییٰ آفریدی اتوار کوچین کا پانچ روزہ دورہ کریں گے

اسلام آباد:چیف جسٹس پاکستان یحییٰ آفریدی اتوار کو اپنے پانچ روزہ دورے پر چین روانہ ہوں گے۔
ذرائع کے مطابق جسٹس امین الدین خان اور جسٹس شاہد وحید بھی چیف جسٹس کے ہمراہ ہوں گے۔
 چیف جسٹس ساتھی ججز کے ہمراہ جوڈیشل کانفرنس میں شرکت کریں گے، اس دورے کا مقصد عدالتی نظام سے متعلق بین الاقوامی تعاون کو فروغ دینا اور تجربات کا تبادلہ ہے۔
چیف جسٹس کی غیر موجودگی میں جسٹس منصور علی شاہ 21 اپریل کو قائم مقام چیف جسٹس کے طور پر حلف اٹھائیں گے۔
چیف جسٹس اور ان کے ساتھی ججز کا وطن واپسی کا شیڈول اگلے اتوار مقرر ہے۔