لاہورکے علاقے راوی روڈ پر سلنڈر دھماکہ،5 افراد جاں بحق،6زخمی

لاہور میں راوی روڈ پر دکان میں سلنڈر دھماکہ، سلنڈر دھماکے میں 5 افراد جاں بحق، 5 زخمی ہوگئے۔ 
تفصیلات کے مطابق لاہور کے علاقے راوی روڈ پر گیس فلنگ کی دکان میں سلنڈر دھماکے سے پھٹ گیا، واقعے میں 2 بچوں سمیت 5 افراد جاں بحق اور6 زخمی ہوگئے۔
رپورٹ کے مطابق فلنگ کے دوران ایک سلنڈر پھٹا، جس کے بعد آگ نے پوری دکان کو لپیٹ میں لے لیا۔
ریسکیو اہلکاروں نے فوری طور پر امدادی کارروائیاں کرتے ہوئے زخمیوں کو قریبی اسپتال منتقل کیا جبکہ جاں بحق افراد کی لاشیں مردہ خانے منتقل کر دی گئیں۔
ریسکیو ٹیمیں ملبہ ہٹانے میں مصروف ہیں، جبکہ پولیس نے علاقے کو گھیرے میں لے کر تفتیش شروع کر دی ہے۔