ایل پی جی قیمت میں 3 روپے 20 پیسے فی کلو کمی

آئل اینڈ گیس ریگولیٹری اتھارٹی (اوگرا) نے مائع پیٹرولیم گیس ( ایل پی جی) 3 روپے 20 پیسے فی کلو سستی کر دی۔

اوگرا کی جانب سے جاری نوٹی فکیشن کے مطابق ایل پی جی کی نئی فی کلو قیمت 245 روپے16 پیسے مقرر کی گئی ہے، ایل پی جی کا 11.8 کلوگرام گھریلو سلنڈر 37 روپے 80 پیسے سستا ہوا ہے۔

ترجمان اوگرا کے مطابق ایل پی جی پروڈیوسر کی قیمت سعودی آرامکو-سی پی اور امریکی ڈالر کی شرح تبادلہ سے منسلک ہے۔

نوٹی فکیشن میں کہا گیا ہے کہ ایل پی جی کے 11.8 کلوگرام سلنڈرکی نئی قیمت 2 ہزار893 روپے ہوگی، نئی قیمتوں کا اطلاق یکم مئی سے ہوگا۔

پچھلے مہینے کے مقابلے میں سعودی آرامکو-سی پی میں1.8 فیصد کمی آئی ہے، جبکہ ڈالر کی اوسط شرح مبادلہ میں 0.22 فیصد اصافہ ہوا ہے۔