جنگی جنون میں مبتلا حواس باختہ بھارتی فوج کے ہاتھوں 6سکھ شہر ی ہلاک

نئی دہلی:پہلگام فالس فلیگ حملے کے بعد جنگی جنون میں مبتلا حواس باختہ بھارتی فوج اپنے ہی معصوم شہریوں کی جانیں لینی لگ گئی۔
ذرائع کے مطابق 6 معصوم سکھ شہری بھارتی فوج کے قافلے کے ہاتھوں ہلاک ہوگئے، جن میں عورتیں اور بچے بھی شامل ہیں۔
ذرائع کے مطابق جب یہ واقعہ پیش آیا اس وقت بھارتی فوج کا یہ قافلہ پاکستان کے ساتھ بڑھتی کشیدگی کے پیش نظر سرحد کی جانب بڑھ رہا تھا۔ ابتدائی تحقیقات سے یہ بات سامنے آئی ہے کہ بھارتی فوجی قافلے کا ڈرائیور نشے میں تھا، جس کے باعث وہ اپنی گاڑی پر قابو نہ پا سکا اور6 معصوم سکھ شہریوں کی ہلاکت واقع ہوئی۔
مقامی ذرائع کا کہنا ہے کہ بھارتی فوج کے اس جنگی جنون میں معصوم شہریوں کو بے دردی سے ہلاک کر دیا گیا۔ 
یہ واقعہ ایک فالس فلیگ حملے کی جانب بھی اشارہ کرتا ہے، جس کے ذریعے بھارت نے اپنے جنگی بیانیے کو مزید تیز کرنے کی کوشش کی ہے۔
پاکستان اور بھارت کے درمیان کشیدگی کے بڑھتے ہوئے تناؤ میں ایسے واقعات دونوں ممالک کے تعلقات کو مزید پیچیدہ بناتے ہیں۔