پہلگام فالس فلیگ آپریشن کے بعد بھارتی عسکری قیادت تاش کے پتوں کی طرح بکھرنے لگی

پہلگام فالس فلیگ آپریشن کے نتائج آنے کے ساتھ ساتھ بھارتی عسکری قیادت تاش کے پتوں کی طرح بکھر گئی۔

رپورٹ کے مطابق بھارت میں ایک اعلیٰ فوجی عہدے دار کے بعد دوسرے افسر کی بھی تنزلی کردی گئی۔ مودی سرکار کو اعلیٰ فوجی قیادت سے واضح انکار مل چکا ہے، اس بار نائب فضائی سربراہ ایئر مارشل ایس پی دھارکر نے انکار کیا ہے۔

رپورٹ کے مطابق شمالی کمان کے آرمی کمانڈر کو پہلے ہی تبدیل کیا جا چکا ہے جبکہ ایئر مارشل ایس پی دھارکر کو 7 ماہ بعد ہی عہدے سے ہٹادیا گیا۔ ایئر مارشل ایس پی دھارکر، جو گزشتہ رات رافیل طیاروں کی جارحانہ پروازوں کے نگران تھے، اُنکی پیشہ ورانہ صلاحیتوں پر سوال اٹھائے جا رہے ہیں چونکہ پاک فضائیہ نے رافیل طیاروں کو فوری اور مؤثر طور پر روکا۔

رپورٹ کے مطابق نائب فضائی سربراہ نے اپنے پائلٹس کی رافیل ہینڈلنگ پر شدید عدم اطمینان کا اظہار کیا ہے۔ دفاعی ماہرین آئندہ دنوں میں مزید عسکری استعفوں اور تبدیلیوں کا خدشہ ظاہر کر رہے ہیں۔ بھارتی رافیل طیارے پاکستانی جدید ریڈارز کے سامنے بے بس ہو گئے، لائن آف کنٹرول کو جارحانہ طور پر کھوجنے کا ٹاسک لئے رافیل کو پاکستانی ریڈارز نے جام کر دیا، طیارے ایک اور آپریشن سوئفٹ ریٹارٹ کا شکار ہو گئے۔

نائب فضائی سربراہ کی برطرفی نے بھارتی فضائیہ میں شدید بے چینی پیدا کر دی ہے، اعلیٰ فوجی قیادت میں تیز رفتار تبدیلیاں بی جے پی کے فاشسٹ ایجنڈے اور افواج کی پیشہ ورانہ خودمختاری کے درمیان بداعتمادی کا ثبوت ہیں۔

خیال رہے لائن آف کنٹرول کو جارحانہ طور پر کھوجنے کا ٹاسک لئے رافیل کو پاکستانی ریڈارز نے جام کر دیا۔ ایئر مارشل نرمدیشور تیواری کو نیا نائب فضائی سربراہ مقرر کیا گیا ہے تاکہ بھارتی فضائیہ میں ہم آہنگی قائم رکھی جا سکے۔