پنجاب اسمبلی میں اپوزیشن اور حکومتی رکن کے درمیان ہاتھا پائی، تھپڑ رسید کردیا

پنجاب اسمبلی کے اجلاس میں اپوزیشن کے رکن خالد نثار ڈوگر نے حکومتی رکن حسان ریاض پر حملہ کرتے ہوئے انہیں تھپڑ رسید کر دیا، جس کے بعد دونوں ارکان کے درمیان ہاتھا پائی شروع ہو گئی۔

مذکورہ واقعہ دونوں ارکان کے ایک دوسرے کو تیز آواز میں آوازیں کسنے کے بعد پیش آیا۔

قائم مقام اسپیکر نے اسمبلی میں اس ناخوشگوار صورتحال کے باعث اجلاس کو پانچ منٹ کے لیے ملتوی کر دیا۔