اسحاق ڈار کا ایرانی وزیر خارجہ سے ٹیلیفونک رابطہ،علاقائی صورتحال پر تبادلہ خیال

اسلام آباد:نائب وزیراعظم و وزیر خارجہ اسحاق ڈار نے ایرانی وزیر خارجہ سید عباس عراقچی سے ٹیلیفونک رابطہ کیا، جس میں علاقائی صورتحال اور عالمی امور پر تفصیلی تبادلہ خیال کیا گیا۔

ترجمان دفتر خارجہ کے مطابق ٹیلیفونک رابطے میں ایرانی وزیر خارجہ عباس عراقچی نے جنیوا میں انسانی حقوق کونسل میں ایران کے حق میں پاکستان کے بھرپور موقف اور تعاون پر شکریہ ادا کیا۔

انہوں نے ایران کے خلاف قرارداد پر پاکستان کے اصولی موقف اور قرارداد کے خلاف ووٹنگ کے اقدام کو بھی سراہا۔

عباس عراقچی نے وزیراعظم شہباز شریف اور پاکستانی عوام کے لیے نیک خواہشات کا اظہار کیا۔