کاروباری ہفتے کے آغاز میں ہی سونامزیدہزاروں روپے مہنگا،فی تولہ کتنے کاہوگیا؟

کراچی: کاروباری ہفتےکے آغاز میں ہی عالمی و مقامی مارکیٹوں میں سونے کی قیمتوں میں نمایاں اضافہ دیکھنے کو ملا ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے پہلے روز مقامی مارکیٹو ں میں24 گرام سونے کی فی تولہ قیمت میں3ہزار روپے کا اضافہ ہوا ہے جس کے بعد سونے نئی قیمت بڑھ کر 5لاکھ 36ہزار 562روپے ہو گئی ہے۔

ایسوسی ایشن کے مطابق اسی طرحدس گرام سونا2572روپے مہنگاہوکر 4لاکھ 60ہزار 15روپے کاہوگیا۔

علاوہ ازاں ملک میں فی تولہ چاندی 146روپے مہنگی ہوکر 9ہزار 94روپے کی ہوگئی ہے۔

دوسری جانب عالمی بلین مارکیٹ میں سونا 30ڈالر مہنگاہوکر5138ڈالرفی اونس پرپہنچ گیا۔