غضب اللحق:پاک افواج کے افغانستان میں کامیاب فضائی حملے،قندھار میں اہم ٹیکنیکل ایکوپمنٹ سٹوریج ٹنل تباہ

راولپنڈی:آپریشن غضب للحق کے تحت پاک افواج کی جانب سے افغانستان میں کامیاب فضائی حملے جاری ہیں۔

سیکیورٹی ذرائع کے مطابق 14 اور 15 مارچ کی درمیانی شب کیے گئے حملوں میں افغان طالبان اور فتنہ الخوارج کی مزید ٹیکنیکل تنصیبات کو کامیابی سے نشانہ بنایا گیا۔

سیکیورٹی ذرائع کا کہنا ہے کہ ان کارروائیوں کے دوران قندھار میں ایک انتہائی اہم ٹیکنیکل ایکوپمنٹ سٹوریج کے طور پر استعمال ہونے والی زیرِ زمین ٹنل کو تباہ کر دیا گیا۔

ذرائع کی جانب سے مزید بتایا گیا ہے کہ یہ ٹنل افغان طالبان اور دہشت گرد عناصر ٹیکنیکل سامان ذخیرہ کرنے کے لیے استعمال کرتے تھے،ذرائع کے مطابق پاک افواج کے ان فضائی حملوں کی ویڈیو بھی جاری کی گئی ہے۔

افواج پاکستان نے واضح کیا ہے کہ آپریشن غضب للحق کے تحت کارروائیاں اہداف کے حصول تک جاری رہیں گی۔