امریکی اور صیہونی جارحیت کے خلاف حمایت پر ایرانی وزیر خارجہ کا اردو زبان پاکستان سے اظہارِ تشکر

تہران:ایران کے وزیر خارجہ سید عباس عراقچی نے امریکا اور اسرائیل کی جانب سے ایران پر حملوں کے تناظر میں ایران کے ساتھ اظہارِ یکجہتی کرنے پر پاکستان کی حکومت اور عوام کا شکریہ ادا کیا ہے۔

تفصیلات کے مطابق وزیر خارجہ عباس عراقچی نے سوشل میڈیا پر اردو زبان میں جاری پیغام میں کہا کہ وہ اس بابرکت اور روحانی گھڑی میں پاکستان کی حکومت اور عوام کے شکر گزار ہیں جنہوں نے امریکا اور صہیونی حکومت کی جارحیت کے مقابلے میں ایران کی حکومت اور عوام کے ساتھ مکمل یکجہتی اور حمایت کا اظہار کیا۔

عباس عراقچی نے بیان میں کہا ہے کہ پاکستان کی حکومت اور عوام نے ایران اور اس کے عوام کے ساتھ بھرپور یکجہتی اور حمایت کا اظہار کیا ہے جس پر وہ تہہ دل سے شکر گزار ہیں۔

ایرانی وزیر خارجہ نے اپنے پیغام میں کہا کہ پاکستان کی جانب سے اس مشکل وقت میں ایران کے ساتھ کھڑے ہونے کا اظہار دونوں ممالک کے درمیان موجود قریبی تعلقات اور باہمی تعاون کی عکاسی کرتا ہے۔

انہوں نے مزید کہا کہ ایران اللہ تعالیٰ پر کامل توکل کے ساتھ اپنی حاکمیت اور علاقائی سالمیت کے دفاع کے لیے ثابت قدمی اور استقامت کے ساتھ کھڑا ہے۔