ٹرمپ کی دھمکی:ایرانی شہری امریکی حملوں سے بجلی گھروں، پلوں کی حفاظت کے لیے نکل آئے

تہران:امریکی صدر ڈونلڈ ٹرمپ کی دھمکی کے بعد شمال مغربی ایران کے شہر تبریز سمیت ملک کے دیگر حصوں میں ایرانی شہری امریکی حملوں کے خدشات کے پیشِ نظر اہم انفراسٹرکچر کی حفاظت کے لیے سڑکوں پر نکل آئے۔ عوام نے بجلی گھروں اور پلوں کے گرد انسانی زنجیریں بنا کر ممکنہ حملوں کے خلاف مزاحمت کا پیغام دیا۔

ایرانی میڈیا رپورٹس کے مطابق شہری پرچم لہراتے ایرانیوں نے پلوں اور پاورپلانٹس پر انسانی زنجیر بنالی، امریکا کے خلاف نعرے بازی بھی، جس میں خواتین بھی شامل تھیں۔

رپورٹس میں مزید کہا گیا ہے کہ ایرانی نائب وزیر برائے نوجوان امور علیرضا رہیمی نے نوجوانوں، طلبہ، فنکاروں اور کھلاڑیوں سے اپیل کی تھی کہ وہ ریاستی اہمیت کے حامل تنصیبات کے تحفظ کے لیے اس اقدام میں حصہ لیں۔

خیال رہے کہ امریکی صدر ڈونلڈ ٹرمپ کی دھمکی اور ڈیڈلائن دینے کے بعد ایرانی قوم بھی فوج کے شانہ بشانہ کھڑی ہوگئی، بڑی تعداد میں شہری پلوں اور پاورپلانٹس پر پہنچ گئے۔

یہ مظاہرے امریکی صدر ڈونلڈ ٹرمپ کی جانب سے ایران کو آبنائے ہرمز کھولنے نہ دینے پر انفراسٹرکچر پر حملے کی دھمکی کے بعد سامنے آئے ہیں، جس سے خطے میں کشیدگی میں اضافہ ہوا ہے۔