جنگ بندی کے بعد سونا اچانک کئی ہزار روپے مہنگا، نئی قیمت کیا ہو گئی؟

کراچی: مشرق وسطیٰ میں ایران و امریکہ کے مابین جاری کئی ہفتوں سے جاری بحران کے خاتمے کے بعد عالمی و مقامی مارکیٹوں میں سونا اچانک ہزاروں روپے مہنگا ہو گیا۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے تیسرے رزمقامی مارکیٹ میں 24 گرام فی تولہ سونا 15 ہزار 700 روپے مہنگاہوگیاجس کے بعدفی تولہ سونا 5 لاکھ 4 ہزار 162 روپے تک جاپہنچا۔

ایسوسی ایشن کے مطابق اسی طرح دس گرام سونا 13ہزار 460 روپے مہنگاہوگیاجس کے بعد دس گرام سونے کی قیمت 4 لاکھ 32 ہزار 237 روپے پر پہنچ گئی۔  

علاوہ ازاں ایک تولہ چاندی 440 روپے مہنگی ہوکر 8184 روپے پر پہنچ گئی ہے۔

دوسری جانب عالمی بلین مارکیٹ میں سونا 157 ڈالر مہنگا ہوکر 4814 ڈالر فی اونس پر پہنچ گیا ۔

واضح رہے کہ گزشتہ روزفی تولہ سونا 3 ہزار روپے سستا ہوکر 488462 روپے پر آگیاتھا جبکہ 10 گرام سونے کی قیمت 2572 روپے کی کمی کے ساتھ 418777 روپے ہوگئی تھی۔