وزیرِ اعظم کی ’ڈپلومیسی فورم ‘میں شریک عالمی رہنماؤں سے غیر رسمی ملاقاتیں،علاقائی و عالمی امور پر تبادلہ خیال

انطالیہ: وزیرِ اعظم محمد شہباز شریف نے ترکیہ کے شہر انطالیہ کے دورہ کے موقع پر انطالیہ ڈپلومیسی فورم میں شریک عالمی رہنماؤں سے غیر رسمی ملاقاتیں کی ہیں۔

تفصیلات کے مطابق ڈپلومیسی فورم کے موقع پر وزیرِ اعظم نے شریک عالمی رہنماؤں سے غیر رسمی ملاقاتیں کیں۔ 

ان ملاقاتوں میں انہوں نے ترکیہ کے صدر رجب طیب ایردوان، قطر کے امیر شیخ تمیم بن حمد آلثانی ، قازقستان کے صدر قاسم جومارت توکائیف، آذربائیجان کے صدر الہام علیئف اور شام کے صدر احمد الشرح سے ملاقاتیں کیں۔

اس کے علاوہ وزیرِ اعظم نے قطر کے وزیرِ اعظم و وزیرِ خارجہ شیخ محمد بن عبدالرحمن بن جاسم آلثانی اور کوسوو کی سابق صدر ویوسا عثمانی سے بھی ملاقات کی،تمام ملاقاتیں خوشگوار ماحول میں ہوئیں، جن میں وزیرِ اعظم شہباز شریف عالمی رہنماؤں کی توجہ کا مرکز رہے۔

ملاقاتوں کے دوران عالمی اور علاقائی صورتحال پر تفصیلی تبادلہ خیال بھی کیا گیا۔