ایران کی بحریہ دشمنوں کونئی اور تلخ شکست دینے کے لیے مکمل تیار ہے،ایرانی سپریم لیڈر 

تہران: ایرانی سپریم لیڈرمجتبیٰ خامنہ ای نے کہا ہے کہ ایران کی بحریہ دشمنوں کونئی اور تلخ شکست دینے کے لیے مکمل تیار ہے۔

ایرانی سرکاری ٹی وی پریس ٹی وی کے مطابق یومِ فوج کے موقع پرسوشل میڈیا پرجاری اپنے پیغام میں سپریم لیڈر مجتبیٰ خامنہ ای نےایرانی فوج کو خراج تحسین پیش کرتے ہوئے کہا ہے کہ ایران کی فوج نے حالیہ مسلط کردہ جنگ میں بھی ماضی کی طرح بہادری سے وطن کا دفاع کیا۔

بیان میں سپریم لیڈر مجتبیٰ خامنہ ای کا کہنا تھا کہ ایران کی بحریہ دشمنوں کونئی اور تلخ شکست دینے کے لیے مکمل تیار ہے، عوامی حمایت اور مضبوط صف بندی کے ساتھ ایرانی فوج نے دیگر مسلح افواج کے شانہ بشانہ دشمن قوتوں کا مقابلہ کیا اور دنیا پر ان کی کمزوری و ذلت واضح کر دی۔

سوشل میڈیا پر جاری بیان میں اُنہوں نے کہا کہ فوج قوم کے بیٹے کی مانند ہےجو عوام کے گھروں سے جنم لیتی ہے، کچھ طاقتیں ایران کوتقسیم کرنا چاہتی ہیں، امریکی منصوبوں کےخلاف ایرانی فورسزڈٹ کر رہیں۔

ایرانی سپریم لیڈر کا کہنا تھا کہ ہماری فوج سرحدوں کی بہادری کے ساتھ حفاظت کر رہی ہے، ایرانی فوج کے قیام کے دن پرمبارکباد پیش کرتا ہوں۔