وزیراعظم شہباز شریف کا یورپی کونسل کے صدر سے ٹیلی فونک رابطہ،مشرق وسطیٰ کی صورتحال پر گفتگو

اسلام آباد: وزیر اعظم محمد شہباز شریف کو یورپی کونسل کے صدرانتونیو کوسٹا نے ٹیلی فون کیا اور مشرق وسطیٰ کی موجودہ صورتحال پر تبادلہ خیال کیا۔ 

ٹیلیفونک رابطے میں وزیراعظم نےانتونیو کوسٹا کوخطے میں قیام امن کے لیے پاکستان کی سفارتی کوششوں کے بارے میں آگاہ کیا۔

اس دوران یورپی کونسل کے صدرنے خطے میں مذاکرات اور استحکام کو فروغ دینے میں پاکستان کے تعمیری کردار کو سراہتے ہوئے کہا کہ یورپی یونین اس عمل کی ہر ممکن حمایت کے لیے تیار ہے۔

ٹیلیفونک رابطے میں دونوں رہنماؤں نے دیرپا علاقائی اور عالمی سلامتی یقینی بنانے کے لیے بات چیت اور سفارت کاری کو جاری رکھنے کی ضرورت پر زور دیا۔

محمد شہبازشریف نے یورپی یونین کی جانب سے پاکستان کی امن کوششوں کو سراہنے اور علاقائی امن و استحکام کے لیے مذاکرات اور سفارت کاری کی حمایت پر شکریہ اداکیا۔وزیراعظم اورصدر یورپی کونسل نے رابطے میں رہنے پر بھی اتفاق کیا۔