ویرِ اعظم سے چین کے انسانی خلائی مشن پر جانے والے پاکستانی خلا بازوں کی ملاقات
اس موقع پر وزیرِ اعظم نے خلا بازوں کی محنت اور لگن کو سراہتے ہوئے کہا کہ شبانہ روز محنت کے باعث انہوں نے یہ مقام حاصل کیا جو قابل ستائش ہے


اسلام آباد: وزیرِ اعظم محمد شہباز شریف سے چین کے انسانی خلائی مشن پر جانے والے پاکستانی خلا بازوں خرم داؤد اور محمد ذیشان علی نے ملاقات کی،اس موقع پر سپارکو کے خلاباز اتاشی حسنین افتخار بھی موجود تھے۔
ملاقات میں نائب وزیرِ اعظم و وزیرِ خارجہ سینیٹر محمد اسحاق ڈار، وزیرِ منصوبہ بندی احسن اقبال، وزیرِ اطلاعات و نشریات عطاء اللہ تارڑ، معاون خصوصی سید طارق فاطمی، سیکریٹری خارجہ آمنہ بلوچ اور چیئرمین سپارکو محمد یوسف خان نے بھی شرکت کی، جبکہ پاکستان میں چین کے سفیر جیانگ زائیڈونگ بھی اس موقع پر موجود تھے۔
دوران ملاقات وزیرِ اعظم نے دونوں نوجوان خلا بازوں اور خلاباز اتاشی سے ملاقات پر خوشی کا اظہار کرتے ہوئے کہا کہ آپ کا خلائی مشن پر تحقیق کیلئے جانا پاکستان کیلئے ایک اہم سنگ میل اور پوری قوم کیلئے باعث فخر ہے۔ انہوں نے کہا کہ انہیں یقین ہے کہ یہ خلا باز پاکستان کی تاریخ میں ایک نیا باب رقم کریں گے۔
اس موقع پر وزیرِ اعظم نے خلا بازوں کی محنت اور لگن کو سراہتے ہوئے کہا کہ شبانہ روز محنت کے باعث انہوں نے یہ مقام حاصل کیا جو قابل ستائش ہے۔ انہوں نے مزید کہا کہ چینی تعاون سے یہ خلائی سفر دونوں ممالک کے برادرانہ تعلقات میں نئی جہتوں کا اضافہ کرے گا۔
چینی سفیر سے گفتگو کرتے ہوئے وزیرِ اعظم نے کہا کہ خلائی تحقیق میں پاکستان اور چین کا تعاون دوستی کو نئی بلندیوں تک لے جائے گا اور دونوں ممالک ستاروں تک رسائی کے لیے مشترکہ طور پر آگے بڑھ رہے ہیں۔ چینی سفیر نے وزیرِ اعظم کے خیالات کا خیر مقدم کرتے ہوئے خلائی تحقیق میں دوطرفہ تعاون کو خوش آئند قرار دیا۔
اس موقع پر خلا بازوں نے کہا کہ پاکستان کیلئے خلاء میں تحقیق کے فرائض انجام دینا ان کیلئے باعث عزت اور منفرد اعزاز ہے، اور وہ اپنی محنت اور لگن سے قوم کی امیدوں پر پورا اترنے کی بھرپور کوشش کریں گے۔

پولیس افسران کی ترقیوں کے خلاف پنجاب حکومت کی اپیلیں خارج
- 10 days ago

پیٹرول اور ڈیزل کی قیمتوں میں کمی کا اعلان
- 12 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 9 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 9 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 9 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 9 days ago
پہلے ایل پی جی اوراب بجلی بم گرا دیا گیا
- 10 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 10 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 11 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 10 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 10 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 11 days ago



