ایوان نے غیر ملکی قرضوں کی واپسی کے لیے 58 کھرب 36 ارب 27 کروڑ روپے اور غیر ملکی قرضوں کے مصارف کی مد میں 10 کھرب 71 ارب روپے سے زائد کے اخراجات کی منظوری دی


اسلام آباد: قومی اسمبلی نے مالی سال 2026-27 کے لیے 407 کھرب 41 ارب روپے سے زائد کے لازمی اخراجات کی منظوری دے دی۔
تفصیلات کے مطابق لازمی اخراجات پر ایوان میں بحث مکمل ہونے کے بعد آئینی تقاضوں کے مطابق ان پر ووٹنگ نہیں کرائی گئی۔ منظور شدہ اخراجات کے مطابق پاکستان پوسٹ آفس کے لیے 50 لاکھ روپے جبکہ الاؤنسز اور پنشن کی مد میں 6 ارب 93 کروڑ روپے مختص کیے گئے ہیں۔
قومی اسمبلی کے لیے 7 ارب 96 کروڑ اور سینیٹ کے لیے 6 ارب 45 کروڑ روپے کے اخراجات کی منظوری دی گئی، جبکہ گرانٹس، امداد اور متفرق اخراجات کی مد میں 57 ارب روپے مختص کیے گئے ہیں۔ ایوان نے غیر ملکی قرضوں کی واپسی کے لیے 58 کھرب 36 ارب 27 کروڑ روپے اور غیر ملکی قرضوں کے مصارف کی مد میں 10 کھرب 71 ارب روپے سے زائد کے اخراجات کی منظوری دی۔
اس کے علاوہ قلیل المدتی بیرونی قرضوں کی ادائیگی کے لیے ایک کھرب 30 ارب روپے جبکہ وفاقی حکومت کے بیرونی ترقیاتی قرضوں اور ایڈوانسز کے لیے 607 ارب روپے سے زائد مختص کیے گئے۔ منظور شدہ بجٹ کے تحت ملکی قرضوں کی ادائیگی کے لیے 259 کھرب روپے رکھے گئے ہیں۔
جبکہ صدر مملکت کے عملہ، خانہ داری اور الاؤنسز کی مد میں 2 ارب 80 کروڑ روپے سے زائد کے اخراجات کی منظوری دی گئی۔ قومی اسمبلی نے فارن مشنز کے لیے 50 کروڑ روپے، قانون و انصاف ڈویژن کے لیے 53 کروڑ 94 لاکھ روپے اور آئندہ مالی سال میں انتخابات سے متعلق اخراجات کے لیے 10 ارب 57 کروڑ روپے کی منظوری دی۔
اسی طرح آڈٹ کے لیے 9 ارب 82 کروڑ روپے اور مقامی قرضوں کے مصارف کے لیے 69 کھرب 82 ارب روپے سے زائد مختص کیے گئے ہیں۔
جبکہ عدلیہ کے لیے منظور شدہ اخراجات میں سپریم کورٹ آف پاکستان کے لیے 7 ارب 44 کروڑ روپے، وفاقی آئینی عدالت کے لیے 6 ارب روپے اور اسلام آباد ہائی کورٹ کے لیے 2 ارب 36 کروڑ روپے سے زائد شامل ہیں۔
مزید برآں، وفاقی محتسب کے لیے 2 ارب روپے، وفاقی ٹیکس محتسب کے لیے 64 کروڑ روپے جبکہ کام کی جگہ پر خواتین کو ہراسانی سے تحفظ کے لیے قائم وفاقی محتسب سیکریٹریٹ کے لیے 25 کروڑ روپے سے زائد کے لازمی اخراجات کی بھی منظوری دی گئی۔

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 10 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 11 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 10 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 12 days ago

پیٹرول اور ڈیزل کی قیمتوں میں کمی کا اعلان
- 13 days ago
پہلے ایل پی جی اوراب بجلی بم گرا دیا گیا
- 11 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 11 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 13 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 10 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 10 days ago

پولیس افسران کی ترقیوں کے خلاف پنجاب حکومت کی اپیلیں خارج
- 11 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 11 days ago



