آئل ٹینکر پر حملہ، دو پاکستانیوں سمیت 3 افراد جاں بحق

ویب ڈیسک: یمن کے حوثی گروپ کی جانب سے بحیرہ احمر کے اہم بحری راستے باب المندب میں سعودی آئل ٹینکر پر حملہ کیا گیا ہے جس کے نتیجے میں عملے کے تین ارکان کے جاں بحق ہونے کی اطلاعات سامنے آئی ہیں۔

تُرک خبر رساں ادارے انادولو کے مطابق حکومت سے وابستہ نشریاتی ادارے الجمہوریہ ٹی وی نے منگل کو بتایا ہے کہ ابتدائی معلومات کے مطابق جاں بحق ہونے والوں میں دو پاکستانی شہری اور ایک انڈونیشین شہری شامل ہیں۔

رپورٹ کے مطابق حملے میں سعودی تجارتی جہاز کو نشانہ بنایا گیا، تاہم واقعے کی مزید تفصیلات فوری طور پر جاری نہیں کی گئیں۔

A Saudi commercial ship was reportedly hit by a missile in the Bab el-Mandeb Strait, with three crew members killed, including two Pakistanis and one Indonesian.

Source: ISNA pic.twitter.com/7YkrIxvMao

— Clash Report (@clashreport) August 11, 2026

الجمہوریہ ٹی وی نے جاں بحق ہونے والے افراد کی قومیت کے حوالے سے بتایا کہ ابتدائی معلومات کے مطابق دو پاکستانی اور ایک انڈونیشین شہری جان کی بازی ہارے ہیں۔ تاہم ان افراد کے نام یا ان کی ملازمت سے متعلق تفصیلات فراہم نہیں کی گئیں۔

دوسری جانب حوثی گروپ کی طرف سے اس حملے کے بارے میں فوری طور پر کوئی بیان یا تبصرہ سامنے نہیں آیا، اس لیے حملے کی ذمہ داری اور اس سے متعلق دیگر تفصیلات کی آزادانہ طور پر تصدیق نہیں ہوسکی۔