دریائے سندھ میں ڈوب کر 4 نوجوان جا ں بحق

جی این این کے مطابق چاروں نوجوانوں کی شناخت 16سالہ حمزہ ، 15سالہ اویس خالد ، 19سالہ ضیا اور14 سالہ عمیر کے نام سے ہوئی ہے ، ان میں دونوجوان سگے بھائی تھے ۔ جاں بحق چاروں نوجوان لطیف آباد کے رہائشی تھے۔ پولیس اورریسکیو جائے حادثہ پر پہنچ گئے  ۔پولیس کے مطابق  نوجوان تیراکی میں بہت ماہر نہیں تھے اور  گہرے پانی میں آگے بڑھنا  ان کے لیے جان لیو ا ثابت ہوا۔ افسوس ناک واقعہ  واقعہ بدھ کی شام پیش آیا ، تاہم  جمعرات کی صبح ریسکیو ٹیم   نے لاشوں کو  تلاش کر کے مردہ خانے منتقل کر دیا ، جہاں سے انہیں ان کے  ورثاء کے حوالے کیا جائے گا۔