کوٹلی: بس کھائی میں جاگری ، جاں بحق مسافروں کی تعداد 23 ہوگئی

تفصیلات  کے مطابق حادثے میں اب تک 23 سے زائد افراد جاں بحق  ہوچکے ہیں  جبکہ متعدد زخمی ہوئے ہیں ۔ حادثے کی اطلاع ملتے ہی ریسکیو اور پولیس  جائے وقوعہ پر پہنچ گئے ۔

ڈپٹی کمشنر سدھنوتی طاہر محمود کاکہنا ہے کہ  حادثے میں جاں بحق اور زخمی ہونے والوں میں خواتین اور بچے بھی شامل ہیں۔ 13 افراد کو تشویشناک حالت میں ڈی ایچ کیو ہسپتال کوٹلی منتقل کیا گیا ہے،  پولیس کا مزید کہنا ہے کہ کوچ میں 30 سے زائد مسافر سوار تھے۔

حادثہ پر ریسکیو آپریشن اور امدادی کارروائیاں جاری ہیں۔ 

کوسٹر حادثے میں انسانی جانوں کے  ضیاع پر سینئر وزیر آزاد کشمیر سردار تنویر الیاس  نے دکھ کا اظہارکیا ہے ۔ سینئر وزیر آزاد کشمیر سردار تنویر الیاس نے کہا کہ حادثے میں قیمتی جانوں کے ضیاع کا سن کر دکھ ہوا، دکھ کی اس گھڑی میں غمزدہ خاندانوں کے ساتھ ہیں،زخمیوں کو طبی سہولیات کی فراہمی میں کوئی کسر اٹھا نہیں رکھی جائے گی ۔ انہوں نے دعا کی کہ اللہ تعالیٰ لواحقین کو صبر جمیل عطا فرمائے۔