سونے کی قیمت میں اضافے کا سلسلہ جاری

سندھ صرافہ بازار جیولرز ایسوسی ایشن کے مطابق ملک میں سونے کی فی تولہ قیمت ایک لاکھ 23 ہزار 300 روپے ہوگئی ہے۔دس گرام سونے کی قیمت 257 روپے اضافے کے بعد ایک لاکھ 5 ہزار 710 روپے ہوگئی ہے۔عالمی صرافہ بازار میں سونے کی قیمت ایک ڈالر کم ہوکر 1817 ڈالر فی اونس ہوگئی ہے۔

دوسری جانب کاروباری ہفتے کے پہلے روز ڈالر کی قیمت میں `50 پیسے اضافہ دیکھنے میں آیا ہے جس کے بعد ڈالر 170 روپے51 پیسے پر پہنچ گیاہے ۔

اسٹاک مارکیٹ میں آج کاروبار میں اضافہ دیکھنے میں آ رہاہے ، شیئرز کا لین دین شروع ہو تو 100 انڈیکس 47 ہزار 295 پوائنٹس پر تھا جس میں کچھ دیر کے بعد 81 پوائنٹس کا اضافہ ہوا اور انڈیکس 47 ہزار 377 پوائنٹس پر پہنچ گیاہے ۔