کراچی کنگز کے کھلاڑی ڈین کرسٹین پی ایس ایل سے دستبردار

ذرائع کے مطابق آسڑیلوی کھلاڑی ڈین کرسٹن نے کورونا کے بڑھتے کیسز کے پیش نظر پی ایس ایل چھوڑنے کا فیصلہ کیا ، جبکہ ڈاکٹروں نے وسیم اکرم کو بھی فوری طور پر ہوٹل چھوڑنے کا مشورہ دے دیا ہے۔ڈاکٹرز نے سابق لیجنڈ کرکٹر کو ہدایت کی کہ ہائی ذیابیطس کے مریض ہونے کے سبب خودکو مشکل میں نہ ڈالیں۔

واضح رہے کہ اب تک پاکستان سپر لیگ ( پی ایس ایل) میں اب تک 6 کھلاڑیوں اور ایک کوچ میں کورونا وائرس کی تصدیق ہو چکی ہے اور انہیں قرنطینہ بھی کیا جا چکا ہے۔ کورونا کا شکار 3 کھلاڑیوں کے نام سامنے آچکے ہیں جن میں اسلام آباد یونائیٹڈ کے فواد احمد اور لوئس گریگری ، جبکہ کوئٹہ گلیڈی ایٹرز کے ٹام بینٹن شامل ہیں۔ جبکہ کراچی کنگز کے فیلڈنگ کوچ کامران خان بھی کورونا وائرس میں مبتلا ہوگئے ہیں۔ اس کے علاوہ باقی تین کھلاڑیوں کی تفصیلات تاحال سامنے نہ آسکیں۔