علی حیدر گیلانی کی مبینہ ویڈیو میں موجود ایم این ایز سامنے آگئے

تفصیلات کے مطابق  علی حیدر گیلانی کی ویڈیو میں موجود پی ٹی آئی ایم این ایز جمیلاحمد  اور فہیم خان سامنے آگئے۔ایم این اے فہیم خان نے کہا کہ  ہم دونوں علی حیدر گیلانی کی ویڈیو میں موجود تھے۔کہتے ہیں وزیراعظم کے سپاہی ہیں۔

صحافی نے سوال کیا کہ سٹنگ آپریشن کس کے کہنے پر کیا، صحافی کے سوال پر بولےمعاملے پرپارٹی بیانیہ جلد آئےگا۔ایم این اے کیپٹن (ر)جمیل  احمد نے کہا کہ  ہم پی ٹی آئی اور عمران خان کے ساتھ ہیں ، ہم نے ویڈیو کسی کے کہنے پر نہیں بنائی ۔

صحافی نے کے سوال پر جواب دیتے ہوئے کہا کہ  جو پیسے لیتے ہیں وہ پبلک میں نہیں آتے، ہم الیکشن کمیشن کے سامنے آئیں گے ہمارا دامن صاف  ہے۔

واضح رہے چند دن قبل  نو منتخب سینیٹر یوسف رضا گیلانی کے صاحبزادے علی حیدر گیلانی کی مبینہ طور پر ووٹ خریدنے کی ویڈیو سامنے آئی تھی۔مبینہ ویڈیو میں علی حیدر گیلانی پی ٹی آئی ایم این اے کو ووٹ ضائع کرنے کا طریقہ بتا رہے تھے۔