سینیٹ کی ایک سیٹ نے اس کٹھ پتلی نظام کوبے نقاب کردیا : بلاول بھٹو

تفصیلات کے مطابق چئیرمین پیپلز پارٹی بلاول بھٹو نے  پی ڈی ایم رہنماؤں کے اجلاس سے خطاب کرتے ہوئے کہا کہ   آج ہم سب یہاں پی ڈی ایم کی جیت منانے کے لیے جمع ہوئے ہیں ،پی ڈی ایم نے ایک سیٹ  جیت کر ثابت کردیا کہ کچھ بھی ناممکن نہیں ، سیاست بھی ایک آرٹ ہے جو ناممکن  کو ممکن بنا دیتا ہے ۔ایک سینیٹ کی سیٹ نے پورے نظام کو بے نقاب کردیا ، تین  سال سے کٹھ پتلی نظام چل رہاہے ، غیر سیاسی سپورٹ سےسارے دروازے بند ہوتے جارہے ہیں ،عوام نے آج دیکھ لیا کہ کون جیتا اور کون ہارا ۔ نوازشریف اور بے نظیر بھٹو نے چارٹرآف ڈیموکریسی کیا ۔

بلاول بھٹو نے مزید کہا کہ اب تو صدر نے بھی مان لیا کہ وزیراعظم اپنی پارلیمانی  اکثریت کھوبیٹھے ہیں ،پارٹی جلوس بلا کر آپ پارلیمانی اکثریت حاصل نہیں کرسکتے ۔آپ کو نہ پارلیمان میں سپورٹ حاصل  ہے نہ عوام میں ۔ سیاسی انتقام کانیا طریقہ ڈالا گیا ہے اور   کب کہاں اور کس کیخلاف  عدم اعتماد ہوگا یہ فیصلہ پی ڈی ایم کرےگی ۔ نواز، زرداری اور مولانا فضل الرحمٰن پلان بناتے ہیں تو کٹھ پتلی حکومت فارغ ہوتے ہیں ،  عمران خان عوام میں اعتماد کھو بیٹھے ہیں  ۔  خان صاحب کی حکومت جوروایت اپنارہی ہے اس سے سارے نظام کو خطرہ ہے ۔ہم سیاست عوام کیلئےکرتے ہیں  ۔ لیگی رہنماؤں اور پی ٹی آئی  کارکنوں کے درمیان تصادم کی مذمت  کرتے ہوئے انہوں نے کہا کہ پارلیمنٹ کے باہر جو بھی ہوا اس کی جتنی بھی مذمت کی  جائے کم ہے ۔