قومی اسمبلی نے مالیاتی ضمنی بل 2021 منظور کرلیا

تفصیلات کے مطابق قومی اسمبلی نے مالیاتی ضمنی بل 2021 منظور کرلیا ہے،وزیر خزانہ شوکت ترین نے ایوان میں مالیاتی بل 2022 منظور کرنے کی تحریک پیش کی۔

دوسری جانب  بینک دولت پاکستان ترمیمی بل  قومی اسمبلی میں پیش کردیا گیا، وزیر خزانہ شوکت ترین نے بل ایوان میں پیش کیا۔

احسن اقبال نے سپیکر کے سامنے ہاتھ جوڑ دیے ، احسن اقبال نے کہا کہ  سپیکر صاحب اگر سٹیٹ بنک بل کی منظوری سے ملکی خودمختاری داؤ پر لگانے والوں میں لیا جائیگا ،  پاکستان کی عوام کی نظریں سپیکر صاحب آپ پر ہیں ،  میں آپکے سامنے ہاتھ جوڑتا ہوں اس بل کو منظور نہ ہونے دیں۔

قبل ازیں فنانس سپلیمنٹری بل کی شق پر اپوزیشن کی ترامیم کثرت رائے سے مسترد کردیں گئیں ، ترامیم کے حق میں 150  مخالفت میں  168 ووٹ آئے،  اپوزیشن ارکان کی ضمنی بجٹ میں ترمیم 18 ووٹوں سے مسترد ہوگئی ،  ترمیم کے حق میں اپوزیشن کے 150 ارکان نے ووٹ دیا ،  ترمیم کی مخالفت میں 168 حکومتی ارکان نے ووٹ دیئے تھے۔ حکومت کے پاس ایوان میں اس وقت 18ارکان کی اکثریت موجود ہے۔