آئی سی سی: ٹی 20 ورلڈ کپ کے شیڈول کا اعلان کر دیا گیا

تفصیلات کے مطابق میگا ایونٹ میں 16 ٹیموں کے درمیان 45 میچ کھیلے جائیں گے جبکہ پاکستان براہ راست سپر 12 راؤنڈ میں جگہ بناچکا ہے ۔ اس مرتبہ بھی پاکستان اور بھارت کی ٹیمیں ایک ہی گروپ میں شامل ہیں ۔

میگا ایونٹ کا ابتدائی میچ 16 اکتوبر کو  سری لنکا اور نمیبیا کے درمیان کھیلا جائے گا، جبکہ پاکستان اور بھارت کا ٹاکرا 23 اکتوبر کو میلبرن میں ہوگا،  بنگلہ دیش اور جنوبی افریقا سمیت پہلے راؤنڈ کی دو ٹیمیں بھی پاکستان سے مقابلہ کریں گی۔

پاکستان ٹیم 30 اکتوبر کو گروپ اے کی رنر اپ ٹیم سے میچ کھیلے گی جبکہ جنوبی افریقا سے 3 نومبر اور بنگلہ دیش سے 6 نومبر کو میچ ہوگا۔

ٹی ٹوئنٹی ورلڈکپ کے سیمی فائنلز سڈنی اور ایڈیلیڈ میں 9 اور 10 نومبر کو ہوں گے جبکہ فائنل میلبرن میں 13 نومبر کو ہوگا۔