بجلی مزید 95 پیسے مہنگی کرنے کی تیاریاں، نیپرا میں آج سماعت ہوگی

گھریلو صارفین کیلئے بجلی مزید 95 پیسے مہنگی کرنے کی تیاریاں، وفاقی حکومت کی درخواست پر نیپرا میں آج سماعت ہوگی۔ درخواست میں ایک سلیب کا فائدہ ختم کرنے کی تجویزدی گئی ہے۔

حکومت نے بنیادی ٹیرف میں 95 پیسے فی یونٹ تک اضافے کی درخواست کی ہے، تجویز دی گئی ہے کہ تمام سلیبز کیلئے فی یونٹ بجلی 8 پیسے سے95 پیسے تک مہنگی کی جائے۔

100 یونٹ کے استعمال تک فی یونٹ 8 پیسے اضافہ، 101 سے 200 یونٹ تک استعمال پرفی یونٹ 18 پیسے، 201 سے 300 یونٹ تک استعمال پرفی یونٹ 48 پیسے، 301 سے 700 یونٹ تک فی یونٹ استعمال پر95 پیسے اضافے کی تجویزدی گئی ہے۔

بنیادی ٹیرف میں اضافے سے سالانہ 20 ارب روپے کی سبسڈی ختم کی جائے گی۔