مولانا فضل الرحمان اور نواز شریف کے درمیان ٹیلیفون پر رابطہ

اسلام آباد : مولانا فضل الرحمان اور نواز شریف کے درمیان ٹیلیفون پر رابطہ ہوا ہے ۔

ذرائع کے مطابق دونوں رہنماؤں کی ملکی سیاسی صورتحال اور پی ڈی ایم کی تحریک پر طویل مشاورت ہوئی ہے ، دونوں رہنماؤں کا حکومت سے عوام کو نجات دلانے کے لئے تحریک کو تیز کرنے پر اتفاق ہوا ہے ۔ 
ذرائع کے مطابق حکومت مخالف لانگ مارچ اور ان ہاؤس تبدیلی سمیت مختلف اہم قومی امور پر بھی مشاورت ہوئی ہے ۔ مولانا نے نواز شریف کو آج پی ڈی ایم کے سربراہی اجلاس کے ایجنڈے پر بھی اعتماد میں لیا۔
مولانا فضل الرحمن کا کہنا تھا کہ موجودہ حکومت مکمل طور پر ناکام ہوچکی، اب ان حکمرانوں سے عوام کو نجات دلانے کا وقت آچکا ہے۔ سابق وزیراعظم نواز شریف نے یقین دہانی کرائی ہے کہ پی ڈی ایم کے پلیٹ فارم سے جو بھی فیصلہ کیا جائے گا، ن لیگ بھرپور ساتھ دے گی ۔