پہلے عوام گبھرائے تھے اب وزیراعظم بھی گبھراگئے : شاہد خاقان

تفصیلات کے مطابق اسلام آباد کی احتساب عدالت کے باہر میڈیا سے بات کرتے ہوئے مسلم لیگ ن  رہنما وسابق وزیراعظم شاہد خاقان عباسی نے کہا کہ کونسی وزرات میں کرپشن کا اسیکنڈل نہیں ہے،ہر معاملے میں اربوں کے اسیکنڈل ہیں ۔ اس حکومت کا خاصہ ہے جو آدمی آتا ہے نہ اس کا پتہ چلتا نہ ہی جو جاتا ہے اس کو پتہ چلتا ہے،کوئی وزیر ایسا نہیں جو فیل نہ ہوا ہو، وزیر ایک جگہ فیل ہوتے ہیں دوسرے جگہ لگ جاتے ہیں ، اس سب کا خمیازہ عوام بھگت رہی ہے۔

انہوں نے کہا کہ جب مسلم لیگ ن کی حکومت نے کرپشن انڈیکس میں کمی ہوئی، یہ حکومت آئی تو پاکستان آج ایک سو چالیس نمبر پر پہنچ گیا، اب صرف چالیس ملک باقی ہیں، عمران خان جب جائے گا تو ہم ایک سو اسی نمبر پر ہوں گے ۔ ج آج پریس کانفرنس کریں اور بتائیں کہ پاکستان میں کرپشن کیوں بڑھ گئی۔ 

شاہد خاقان نے کہا کہ شہزاد اکبر نے استعفی دیا یا نکال دیا گیا، بہت پریس کانفرنس کرتے تھے، اب ایک پریس کانفرنس کریں جس میں اپنے جانے کی وجوہات، اثاثوں کی تفصیلات دیتے جائیں، شہزاد اکبر آپ کو اپنے اثاثوں کا جواب دینا پڑے گا۔

شاہد خاقان کا کہنا تھا کہ پنجاب میں افسروں کا تماشا لگا ہوا ہے ، آج پنجاب حکومت میں افسر پیسے دے کر  نوکر ی حاصل کرتے  ہیں اور ماہانہ بھی دیتے ہیں ،  افسروں سے پیسے مانگے جاتے ہیں ، جب وہ نہیں دیتے تو نیا بندہ لے کر آجاتے ہیں، ہر محکمہ میں کرپشن کی فہرست موجود ہے،احتساب کے دعویدار تو نکال دیئے گئے، چیئرمین نیب بھی بیمار ہیں، میں ان کے بارے میں بات نہیں کروں گا کیونکہ انہیں کورونا ہوا ہے۔ 

سابق وزیراعظم کا کہنا تھا کہ آج پی ڈی ایم کا سربراہی اجلاس ہے، آج لانگ مارچ پر مشاورت ہوگی اور 30 تاریخ کو لانگ مارچ ہو گا انشاء اللہ۔