اورنگی ٹاؤن ریگولرائز کرنا مشکل لیکن بنی گالہ نہیں:بلاول بھٹو

تفصیلات کے مطابق بلاول بھٹو کا کہنا تھا کہ بنی گالہ کا گھر ریگولرائز ہوسکتا ہے تو غریب کا گھر کیوں نہیں ؟ یہ نظریے کا فرق ہے آپ کون سا پاکستان دیکھنا چاہتے ہیں، پی ٹی آئی حکومت ظالم حکومت ہے، عوام کی طاقت سے حکمرانوں سے جان چھڑائیں گے۔

چیئرمین پاکستان پیپلزپارٹی کا کہنا تھا کہ وزیراعظم نے منتخب ہو کر اپنے گھر کو ریگولرائز کرا لیا، اورنگی ٹاؤن کو ریگولرائز کرانے میں مشکلات پیش آئیں، گجر نالہ کو ریگولرائز کرانے میں مشکلات ہیں، بنی گالا میں نہیں، ظالم حکومت میں غریبوں سے چھت چھینی گئی۔

بلاول بھٹو کا کہنا تھا کہ یہ نظریے کا فرق ہے کہ آپ کس قسم کا پاکستان دیکھنا چاہتے ہیں، پوری کوشش ہوگی غریب کو اس کا حق دیا جائے، نسلہ ٹاور گرا کر ظلم کیا گیا، غریب عوام کو حق دیں گے تو امید ہے کسی کو اعتراض نہیں ہوگا۔