شمالی وزیرستان میں سیکیورٹی فورسز کا آپریشن، دہشت گرد ہلاک

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے شمالی وزیرستان کے علاقے اسپن وام میں دہشت گردوں کی موجودگی کی اطلاعات پر آپریشن کیا۔

آئی ایس پی آر کا کہنا ہے کہ آپریشن کے دوران فائرنگ کے شدید تبادلے میں دہشت گرد صدام مارا گیا جبکہ آپریشن کے دوران ہتھیار اور گولیاں بھی برآمد کی گئیں۔

آئی ایس پی آر کا کہنا ہے کہ مارا جانے والا دہشت گرد صدام آئی ای ڈی بنانے کا ماہر اور دہشت گردی کی وارداتوں میں ملوث تھا، صدام ٹارگٹ کلنگ سمیت اغواء برائے تاوان کی وارداتوں میں بھی مطلوب تھا۔