شیخ رشید سے سعودی عرب کے سفیر نواف بن سعیدالمالکی کی ملاقات ، باہمی دلچسپی کے امور پر بات چیت

تفصیلات کے مطابق  وزیر داخلہ شیخ رشیداحمدسے سعودی عرب کے نواف بن سعیدالمالکی نے ملاقات کی، پاکستان سعودی عرب دو طرفہ تعلقات سمیت باہمی دلچسپی کے امور پر بات چیت کی گئی۔سعودی وزیر داخلہ کی اگلے مہینے پاکستان آمد کے حوالے سے انتظامات پر تبادلہ خیال کیا گیا۔

وزیر داخلہ شیخ رشید احمد نے کہا کہ سعودی وزیر داخلہ کی فروری میں پاکستان آمدکوخوش آمدیدکہتا ہوں،  سعودی وزیر داخلہ کی پاکستان آمد سے پاک سعودی دو طرفہ تعلقات میں نئی جہت پیدا ہوگی،  پاکستان اور سعودی عرب کے درمیان روابط میں وسعت اور تعلقات میں مضبوطی آئیگی۔