آرمی چیف کا ملتان چھاونی کا دورہ، سدرن کمانڈ کے وار گیمز سیشن میں شرکت

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق آرمی چیف جنرل قمر جاوید باجوہ نے ملتان چھاؤنی کا دورہ کیا ہے، آرمی چیف نے سدرن کمانڈ کے وار گیمز سیشن میں شرکت کی۔ آرمی چیف نے مشقوں کے شرکاء کی پیشہ ورانہ مہارت اور کوششوں کو سراہا ۔

ترجمان پاک فوج کا کہنا ہے کہ  سپہ سالار نے مستقبل کے جنگوں کے چیلنجوں سے نمٹنے کے لئے ذہنی اور جسمانی تیاری کی اہمیت پر زور دیا۔

آئی ایس پی آر کے مطابق   ملتان آمد پر کمانڈر سدرن کمانڈ لیفٹیننٹ جنرل محمد چراغ حیدر نے آرمی چیف کا  استقبال کیا۔