وزیر اعظم عمران خان کل ایک روزہ دورے پر لاہور آئیں گے

ذرائع کے مطابق وزیراعظم عمران خان وزیراعلیٰ پنجاب عثمان بزدار سے ملاقات کریں گے۔

ذرائع کا کہنا ہے کہ وزیراعظم کو صوبے کی سیاسی و انتظامی صورتحال پر بریفنگ دی جائے گی۔ 

ذرائع نے بتایا کہ وزیراعظم کو تنظیم سازی و بلدیاتی انتخابات کے حوالے سے تیاریوں سے متعلق آگاہ کیا جائے گا۔

ذرائع نے کہا کہ عمران خان راوی اربن ڈویلپمنٹ اتھارٹی کی سائٹ کا دورہ کریں گے، وزیراعظم کو سینٹرل بزنس ڈسٹرکٹ منصوبے پر بھی بریفنگ دی جائے گی۔