کراچی : گرم پانی گرنے سے 14 ماہ کا شیر خوار بچہ شدید جھلس گیا

مدینہ کالونی پولیس کے مطابق بلدیہ ٹاؤن سعید آباد میں 24 کی مارکیٹ کے علاقے کے رہائشی عبدالناصر کے گھر میں ان کے 14 ماہ کے بچے عبدالباسط کو اس کی ماں نہلانا چاہ رہی تھی کہ شدید گرم اور ٹھنڈے پانی کو مکس کر کے متوازن بنانے کے دوران انتہائی گرم پانی بچے پر گر گیا۔

گرم پانی گرنے سے بچہ شدید جھلس گیا، جسے تشویش ناک حالت میں ایدھی ایمبولینس کے ذریعے سول اسپتال کے برنس سینٹر منتقل کر دیا گیا ہے۔

ڈاکٹر کے مطابق بچہ 60 فیصد جھلس گیا ہے جس کی جان بچانے کی کوشش کی جا رہی ہے۔