مشیر قومی سلامتی ڈاکٹر معید یوسف کا دو روزہ دورا افغانستان کا اعلامیہ جاری

تفصیلات کے مطابق مشیر قومی سلامتی ڈاکٹر معید یوسف کا دو روزہ دورا افغانستان کا اعلامیہ جاری کردیا گیا۔اعلامیے میں کہا گیا ہے کہ  دورہ کا مقصد انسانی بحران کے دوران افغانستان کی ضروریات کا جائزہ لینا  تھا۔

ترجمان کا کہنا ہے کہ  دورے کے دوران معاشی تعاون بڑھانے کے لئے پاکستان کی تجاویز پر بات چیت بھی کی گئی ، معید یوسف نے افغان عبوری  نائب وزیر خارجہ ملا حنفی اور عبوری وزیر خارجہ ملا متقی سے ملاقاتیں کیں،  مشیر قومی سلامتی نے دیگر متعلقہ افغان عبوری وزرا کے ساتھ بھی وفود کی سطح پر مذاکرات کئے۔

اعلامیے کے مطابق  سوشل سیکٹر سپورٹ اور تجارتی سہولیات میں پیش رفت دورہ کا اہم نتیجہ رہیں،  دونوں ممالک نے بارڈر کراسنگ پوائنٹس پر سہولیات میں اضافے کیلئے نیشنل لیول کو آرڈینینس میکنزم پر اتفاق کیا۔