آرمی چیف  سے یورپی یونین  کی سفیر  کی ملاقات، باہمی دلچسپی کے امور پر گفتگو

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق  آرمی چیف جنرل قمر جاوید باجوہ سے یورپی یونین کی سفیر اینڈرولا کامینارا نے  ملاقات کی ہے جس میں  افغانستان کی موجودہ صورتحال اور دو طرفہ تعلقات کے فروغ پرتبادلہ خیال کیا گیا۔

ترجمان پاک فوج کے مطابق  ملاقات میں باہمی دلچسپی کے امور اور علاقائی سیکیورٹی پر بھی تبادلہ خیال کیا گیا۔

آئی ایس پی آر کا کہنا ہے ک  معزز مہمان نے افغانستان کی صورتحال پر پاکستان کے کردار اور علاقائی استحکام کیلئے کوششوں کو سراہا جب کہ پاکستان کے ساتھ سفارتی تعاون میں مزید بہتری کیلئے کردار ادا کرنے کے عزم کا اعادہ بھی کیا۔