پاکستان کی یو اے ای پر میزائل حملے کی کوشش کی شدید مذمت

تفصیلات کے مطابق پاکستان نے یو اے ای پر میزائل حملے کی کوشش کی شدید مذمت کی ہے۔ ترجمان دفتر خارجہ کا کہنا ہے کہ   پاکستان حوثیوں کی جانب سے متحدہ عرب امارات کی جانب میزائل داغے جانے کی شدید مذمت کرتا ہے،   یہ قابل ستائش ہے کہ میزائل کو متحدہ عرب امارات کے فضائی دفاعی نظام نے کامیابی کے ساتھ روکا،  حملہ ناکام ہونے سے معصوم جانوں کا ضیاع روکا گیا۔

ترجمان دفتر خارجہ نے مزید کہا کہ   پاکستان حملوں کو بین الاقوامی قانون کی سنگین خلاف ورزی اور علاقائی امن و سلامتی کے لیے سنگین خطرہ سمجھتا ہے، ایسے حملے فوری طور پر ختم ہونے چاہیے۔  پاکستان متحدہ عرب امارات کی عوام اور حکومت کے ساتھ یکجہتی کا اعادہ کرتا ہے۔