پاکستان کا افغانستان کو ادویات فراہم کرنے کا فیصلہ،ذرائع

ذرائع کے مطابق پاکستان نے افغانستان کو ادویات فراہم کرنے کا فیصلہ کیا ہے، افغانستان کو سرکاری سطح پر ادویات فراہمی کا آغاز جلد ہو گا،  افغانستان کو ادویات فراہمی بارے وزارت قومی صحت کی رپورٹ تیار ہوگئی ، افغانستان کو پچاس کروڑ روپے کی ادویات فراہم کی جائیں گی۔

ذرائع کا کہنا ہے کہ  افغان حکومت نے پاکستان سے ادویات فراہمی کی درخواست کی ہے، افغان حکومت نے پاکستان کو درکار ادویات کی فہرست فراہم کی ہے،  افغان حکومت کی مطلوبہ فہرست کے مطابق ادویات خریدی جائیں گی،افغان حکومت کو درکار ادویات کی مالیت چالیس کروڑ روپے ہے۔

ذرائع کے مطابق افغانستان کو دل،معدہ و جگر،بی پی کی ادویات فراہم کی جائیں گی، افغانستان کو نفسیاتی امراض،جان بچانے والی ادویات فراہم کی جائیں گی۔ذرائع وزارت صحت کا کہنا ہے کہ افغانستان کیلئے ادویات کی خریداری پمز اسپتال کرے گا۔