آرمی چیف جنرل قمر جاوید باجوہ سے  کینیڈین  ہائی کمشنر کی ملاقات،آئی ایس پی آر

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق  پاکستان میں کینیڈین  ہائی کمشنرکی جی ایچ کیو آمدہوئی ہے،  آرمی چیف جنرل قمر جاوید باجوہ سے  کینیڈین  ہائی کمشنر  نے ملاقات کی،ملاقات میں  باہمی دلچسپی کے امور، مختلف شعبوں میں دو طرفہ تعاون اور علاقائی صورتحال پر تبادلہ خیال کیا گیا۔

آئی ایس پی آر کے مطابق  ملاقات میں افغانستان کی موجودہ صورتحال کے حوالے سے   تفصیلی بات چیت کی گئی۔

آرمی چیف جنرل قمر جاوید باجوہ نے اس موقع پر کہا کہ  پاکستان  دو طرفہ روابط  اور مختلف شعبوں میں دیرپا اور مضبوط تعلقات کا خواہاں ہے۔ آرمی چیف نے شمالی علاقہ جات میں کھیلوں کی ترویج میں خصوصی دلچسپی لینے پر ہائی کمشنر کا شکریہ ادا کیا۔