لاہور کی پرائیویٹ ہاؤسنگ سوسائٹیز کے کیمروں کو پنجاب سیف سٹیز اتھارٹی سے منسلک کرنے کا فیصلہ

تفصیلات کے مطابق چیف آپریٹنگ آفیسرکی زیر صدارت سیف سٹیز میں نجی ہاؤسنگ سوسائٹیز نمائندگان کا اجلاس ہوا، ایل ڈی اے کے تعاون سے پرائیویٹ ہاؤسنگ سوسائٹیزکے کیمروں کو سیف سٹیز سے لنک کیا جائیگا، تمام نجی سوسائٹیز کے پہلے سے نصب شدہ کیمروں کو سیف سٹیز کیساتھ انٹیگریٹ کیا جائے گا، مستقبل میں نجی سوسائٹیز سیف سٹیزاتھارٹی کی تجاویز کے مطابق کیمرے نصب کریں گی، شہر بھر میں منظور شدہ سوسائٹیزسکیورٹی اور سیفٹی کو مدنظر رکھتے ہوئے کیمرے نصب کرینگی۔

ڈی آئی جی کامران خان نے کہا ہے کہ  کیمروں کی انٹیگریشن سے پولیس تفتیش میں خاطر خواہ مدد ملے گی۔ قانون نافذ کر نیوالے  ادارے دوران تفتیش سوسائٹیزکے کیمروں کا ڈیٹا دیکھ سکیں گے۔ نجی ہاؤسنگ سوسائٹیزنے  سیف سٹیز اتھارٹی کیساتھ کیمرے انٹیگریٹ کرنے میں دلچسپی کا اظہار کیا ہے۔