خیبر پختونخواکے بیشتر اضلاع میں بدھ کی شام بارشوں اور پہاڑوں پر برفباری کا امکان 

تفصیلات کے مطابق خیبر پختونخواکے بیشتر اضلاع میں بدھ کی شام بارشوں اور پہاڑوں پر برفباری کا امکان ہے۔ پی ڈی ایم اے خیبر پختونخوا نے ضلعی انتظامیہ اورمتعلقہ اداروں کو مراسلہ ارسال  کردیا۔

مراسلہ میں کہا گیا ہے کہ  چترال، دیر، سوات، مالاکنڈ، کوہستان، شانگلہ، بونیراو ر مانسہرہ میں بارشوں کا امکان ہے،  ایبٹ آباد، ہری پور، صوابی، مردان، نوشہرہ، پشاور، چارسدہ، کوہاٹ میں بھی بارش  کا امکان ہے۔

محکمہ موسمیات کے مطابق  باجوڑ اور کرم میں بھی بارش کا امکان ہے۔جبکہ گلیات، ناران، کاغان، چترال، دیر، سوات اور مالم جبہ کے پہاڑوں پر برفباری کا امکان ہے۔