وزیر اعظم کا 3 روزہ دورہ چین، کل اہم اجلاس طلب کرلیا، ذرائع

ذرائع کے مطابق وزیراعظم عمران خان نے  3 روزہ دورہ چین کے حوالے سے  کل اہم اجلاس طلب کر لیا، اجلاس میں وفاقی وزرا اور وزارتوں کے اعلی حکام شریک ہوں گے، اجلاس میں دورہ چین کو حتمی شکل دی جائے گی، دورہ چین کے دوران وزیراعظم کی ملاقاتوں اور مفاہمت کی یادداشتوں بارے تبادلہ خیال ہو گا۔

 ذرائع کا کہنا ہے کہ  وفاقی وزرا کی ٹیم وزیراعظم کے ساتھ چین جائے گی، دورہ چین کے دوران اقتصادی، معاشی اور تکنیکی ایم او یوز ہونے کا امکان ہے، اقتصادی ٹیم مفاہمت کی یادداشتوں کے حوالے سے وزیراعظم کو بریفنگ دے گی۔

ذرائع کے مطابق  سی پیک حکام بھی کل اجلاس میں شرکت کر کے بریفنگ دیں گے، سی پیک اتھارٹی حکام بھی وزیراعظم کے ہمراہ چین جائیں گے، وزیراعظم جمعرت کو چین کے لیے روانہ ہوں گے۔