آزادکشمیر : کورونا کیسز میں اضافہ ، تعلیمی ادارے بند

جی این این کے مطابق  کوٹلی آزاد کشمیر میں کورونا کیسز کی شرح 19 فیصد تک پہنچ گئی ہے جس کے بعد تعلیمی ادارے 7روز تک بند کرنے کا فیصلہ کیا گیا ہے۔اس حوالے سے نوٹی فکیشن جاری کردیا گیا ہے ۔ 

 کوٹلی میں تمام تمام پرائیویٹ اور سرکاری تعلیمی ادارے 9 فروری کو کھلیں گے ۔ 

دوسری جانب نیشنل کمانڈ اینڈ آپریشن سینٹر (این سی او سی) کے مطابق ملک بھر میں گزشتہ 24 گھنٹوں کے دوران 29 افراد انتقال کرگئے جبکہ 6 ہزار 047 کیسز رپورٹ ہوئے ہیں ۔  ملک میں کورونا وائرس کے کُل مریضوں کی تعداد 14 لاکھ 36ہزار413ہو چکی ہے جبکہ  فعال  کیسز کی تعدادایک لاکھ 2ہزار103ہوگئی ۔

ملک میں کورونا سے اموات کی مجموعی تعداد 29ہزار 330 ہوگئی ہے ۔  گزشتہ24گھنٹوں میں کوروناکے61ہزار190 ٹیسٹ کئےگئے ہیں ۔ 

این سی اوسی کے مطابق ملک میں کوروناکےمثبت کیسزکی 9.88 فیصدرہی ، جبکہ 1559مریضوں کی حالت تشویشناک ہے ۔