لمبے بالوں کا حسین خواب  دلہن کو مہنگا پڑ گیا

تفصیلات کے مطابق  بال لمبے کرنے کیلئے ایکسٹینشن لگوانا دلہن کو مہنگا پڑگیا، لڑکی نے  شادی کی تقریب کے لیے بال لمبے کرنے کے لیے ایکسٹینش لگوائی ،  تقریب  کے بعد لڑکی کے بال غیر معیاری کیمیکل کی وجہ  چپک گئے اور  ایکسٹینشن اتارنے کے عمل میں لڑکی کے بال ہی خراب ہو گئے۔

متاثرہ لڑکی نے بیوٹی سیلون کے خلاف صارف عدالت میں دعوای دائر کردیا۔ متاثرہ لڑکی مدیحہ کا کہنا ہے کہ  بیوٹی سیلون نے ایسی ایکسٹینشن لگائی کہ میرے اپنے بال تباہ ہو گئے، بیوٹی سیلون کے ناقص سامان اور ان ٹرینڈ عملہ کی وجہ سے زندگی اجیرن ہو گئی ہے۔

مدیحہ نے استدعا دی ہے کہ  عدالت بیوٹی سیلون کو ایک کروڑ ہرجانہ ادا کرنے کا حکم دے ۔عدالت نے بیوٹی سیلون سے جواب طلب کر لیا۔