بلاول بھٹو کی پنجگور اور نوشکی میں سکیورٹی فورسز کے کیمپوں پر حملوں کی شدید مذمت

تفصیلات کے مطابق پی پی چیئرمین بلاول  بھٹو زرداری نے پنجگور اور نوشکی میں سکیورٹی فورسز کے کیمپوں پر حملوں کی شدید مذمت کی ہے۔ پی پی پی چیئرمین نے دہشت گردوں سے فائرنگ کے تبادلے میں ایک افسر سمیت متعدد سپاہیوں کی شہادت پر افسوس کا اظہار کیا ہے۔ بلاول بھٹو زرداری نے شہداء کے اہلخانہ سے دلی ہمدردی اور یکجہتی کا اظہار کیا اور  واقعے میں زخمی ہونے والے جوانوں کی جلد صحتیابی کی دعا کی ہے ۔

بلاول بھٹو نے کہا ہےکہ  دہشگردی کسی بھی شکل میں ہو، تہذیب اور انسانیت کی قاتل ہے، ریاستی عملداری کو چیلینج کرنے والے عناصر کو آہنی ہاتھوں سے نمٹا جائے، سکیورٹی فورسز کی قربانیاں ہماری قومی خودمختاری کی حفاظت کے عزم کی دلیل ہے۔ان کا کہنا تھا کہ  پوری قوم دہشتگردوں کے خلاف متحد ہے، سکیورٹی فورسز کے جوانوں کی قربانیاں رائیگاں نہیں جانے دیں گے۔