سفید بالوں والے بھی مجھے انکل کہتے ہیں: شعیب ملک

یکم فروری کو 40 برس کے ہونے والے شعیب ملک سے پاکستان سپر لیگ کی پریزینٹر ایرین ہالینڈ نے ان کی فٹنس کا راز پوچھا جس پر شعیب ملک نے جواب دیا کہ 40 سال کی عمر کے بعد لوگوں میں تبدیلی آجاتی ہے۔

ان کا کہنا تھا کہ دیکھتے ہیں مجھ میں اب تبدیلی رونما ہوتی ہے یا نہیں ، آج ہمارا میچ ہے، اس کے بعد ہی آپ کو اور دوسروں کو بتاسکوں گا کہ زندگی کے 40 اوورز کھیلنے کے بعد کیسا محسوس ہوتا ہے۔

Happy Birthday, @realshoaibmalik ?
Malik Saab talks about his birthday, but still doesn’t give away his skincare routine ?#HBLPSL7 I #LevelHai l #PZvLQ pic.twitter.com/HpsExmoS98

— PakistanSuperLeague (@thePSLt20) February 2, 2022

انہوں نے انکشاف کیا ہےکہ وہ جب بھی کہیں باہر نکلتے ہیں اور لوگوں سے ملاقات کرتے ہیں تو  سفید بالوں والے لوگ بھی انہیں انکل پکارتے ہیں لیکن میں بطور ایتھلیٹ اس عمر کو انجوائے کررہا ہوں۔

شعیب ملک کا مزید کہنا تھا کہ اگر میرے پاس ابھی تک کھیلنے کے مواقع ہیں تو اس کا کریڈٹ ان تمام سپورٹ کرنے والے لوگوں کو جاتا ہے جن کی وجہ سے میں اب بھی گراؤنڈ میں موجود ہوں۔