پنجگور اور نوشکی میں حملے کے بعد وزارت داخلہ کا ملک بھر کیلئےالرٹ جاری

تفصیلات کے مطابق وزارت داخلہ نے چاروں صوبوں اور آزاد کشمیر کی پولیس اور سکیورٹی فورسز کو الرٹ رہنے کی ہدایت ہے،  تمام انٹیلی جینس و سکیورٹی اداروں کو غیر معمولی طورپرمستعد رہنے کی ہدایت کی گئی ہے۔

وزارت داخلہ کے مطابق  صوبائی حکومتوں کو بھی غیر معمولی طور پر مستعد رہنے کی ہدایت کی ہے۔

خیال رہے کہ سیکیورٹی فورسز نے بلوچستان میں امن دشمنوں کا بڑا حملہ ناکام بنا دیا ہے، گزشتہ روز سے جاری زبردست جھڑپوں میں نوشکی اور پنجگور میں 13 دہشت گرد مارے گئے ہیں، جب کہ افسر سمیت 7 سیکیورٹی اہل کار شہید، اور 4 زخمی ہوئے۔

ترجمان پاک فوج نے بتایا ہے کہ جوانوں نے امن دشمنوں کے خلاف بروقت مؤثر کارروائی کی، پنجگور میں سرچ آپریشن جاری ہے، سیکیورٹی فورسز نے 4 سے 5 دہشت گردوں کو گھیر رکھا ہے۔