خفیہ اطلاعات پر سیکورٹی فورسز کا شمالی وزیرستان میں آپریشن ، بڑے پیمانہ پر ہتھیار،  گولہ بارود اور آئی ڈیز برآمد

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ اعلامیے  کے مطابق دہشت گردوں کی پناہ گاہ کی موجودگی کی خفیہ اطلاعات پر سیکورٹی فورسز  نے شمالی وزیرستان کے علاقہ غلام خان خیل میں آپریشن کیا ہے، سرچ آپریشن کے دوران دہشت گردوں کی پناہ گاہ سے بڑے پیمانہ پر ہتھیار،  گولہ بارود اور آئی ڈیز برآمد ہوئی ہیں۔

 آئی ایس پی آر کا کہنا ہے کہ  برآمد ہونے والے ہتھیاروں میں سب مشین گنیں، ہینڈ گرینیڈ، آر پی جی سیون راکٹ شامل ہیں،  آلات مواصلات اورمختلف اقسام کی گولیاں بھی برآمد کی گئیں ہیں۔