پی ایس ایل 7: اسلام آباد یونائیٹڈ نے کوئٹہ گلیڈی ایٹرز کو شکست دے دی

تفصیلات کے مطابق نیشنل اسٹیڈیم کراچی میں کھیلے گئے میچ میں  کوئٹہ گلیڈی ایٹرز کے کپتان سرفراز احمد نے ٹاس جیت کر پہلے فیلڈنگ کا فیصلہ کیا۔

اسلام آباد یونائیٹڈ نے پہلے کھیلتے ہوئےمقررہ 20 اوورز میں4 وکٹوں کے نقصان پر 229رنز بنائے،کولن منرو 71 رنز بناکر نمایاں رہے۔

230 رنز کے ہدف کے تعاقب میں کوئٹہ گلیڈی ایٹرز کی ٹیم 186 رنز بناسکی، گلیڈی ایٹرز کی جانب سےاحسان علی 50 رنز بناکر نمایاں رہے۔

اسلام آباد یونائیٹڈ کی جانب سے بیٹنگ کا آغاز پال اسٹرلنگ اور ایلکس ہلز نے کیا لیکن ایلکس ہیلز 55 کے مجموعی اسکور پر 9 گیندوں پر پانچ چوکوں کی مدد سے 22 رنز بنا کر آؤٹ ہوگئے۔

پال اسٹرلنگ نے 28 گیندوں پر 3 چھکوں اور 7 چوکوں کی مدد سے 58 رنز کی شاندار اننگز کھیلی جبکہ کپتان شاداب خان صرف 9 رنز ہی بناسکے۔

منرو نے جارحانہ بیٹنگ کرتے ہوئے 39 گیندوں پر 72 رنز بناکر ناٹ آؤٹ رہے۔جبکہ اعظم خان نے 35 گیندوں پر 6 چھکوں اور دو چوکوں کی مدد سے 65 رنز بنائے۔

 گلیڈی ایٹرز کے محمد نواز دو جبکہ شاہد آفریدی اور جیمز نے ایک ایک وکٹ حاصل کی۔

کوئٹہ گلیڈی ایٹرز کی  جانب سےاوپنر احسان علی 50 اور آل راؤنڈر محمد نواز47 رنز بناکر نمایاں رہے، اس کے علاوہ جیمز فولکنر نے 30 ،کپتان سرفراز نے 11 رنز بنائے۔

اسلام آباد کی جانب سے شاداب خان نےشاندار بولنگ کا مظاہرہ کرتے ہوئے  5 وکٹیں حاصل کیں جبکہ حسن علی اور محمد وسیم نے 2،2 شکار کیے۔